На масовно судење на стадион во во главно муслиманскиот кинески регион Синџинг се осудени 55 луѓе поради обвиненија за силување, убиства, сепаратизам и тероризам.
Околу 7.000 луѓе и високи функционери на Комунистичката партија во префектурата Или присуствувале на јавното масовно судење и „казнување на групата насилни терористи и криминалци согласно законот“.
Тројца од обвинетите се осудени на смртна казна поради убиство на четири члено семејство минатата година „користејќи екстремно злосторнички методи“.
Полицијата на стадионот објави и формално апсење на 38 осомничени и притвори уште 27 други лица.
Во Кина биле вообичаени масовни судења во 80-тите и 90-тите години, како начин за борба против растот на криминалот, поттикнат со општествените немири кои избиле паралелно со драматичните реформи во Кина, меѓутоа оваа пракса подоцна е прекината.