Иранскиот дипломат Нур Ахмад Никбахт, кој бешее киднапиран во Јемен во 2013 година е ослободен и се врати денеска во Техеран, јавија иранските државни медиуми.
Никбахт, кој беше киднапиран од непознати напаѓачи во главниот град на Јемен, Сана во јули 2013 година, пристигна на техеранскиот аеродром Мехрабад.
– Специјалениот тим на Министерството за разузнавачки служби успеа да го ослободи Никбахт од терористите по серија комплексни и тешки операции, спроведени во одреден дел од Јемен, изјави иранскиот заменик-министер за надворешни работи Хосеин Амир Абдолахиан.
Никбахт е втор високорангиран заложник, кој е ослободен во Јемен во текот на оваа недела.
Дипломат на Саудиска Арабија, кој во 2012 година беше киднапиран од припадниците на терористичката мрежа Ал Каеда, беше ослободен во понеделникот.