Според Комисијата на ОН за почитување на човековите права во граѓанската војна, во Сирија и двете страни извршиле воени злосторства.
Во нејзиниот извештај стои дека сириските сили минатите месеци масакрирале цивили, бомбардирале болници и вршеле други воени злосторства поради освојување територија.
Но и дека во периодот од 15-ти мај до 15-ти јули, опозициските сили меѓу кои и исламистичките борци од странство, вршеле воени злосторства, вклучувајќи убиства, киднапирања и бомбардирања на цивилни населби.
-Извршителите на наведените дела, делуваа спротивно на меѓународните закони. Тие не стравуваат од одговорност – се заклучува во извештајот, пренесува „Ројтерс“.
Експертите велат дека според доказите кои што ги имаат за употреба на хемиско оружје, не можат да донесат заклучок за кој агенс станува збор, систем на испорака или извршител.
Елена Георгиевска