Специјалниот пратеник на ОН за Либија, Бернардино Леон синоќа соопшти дека либиските ривалски фракции го утврдиле конечниот текст на меѓусебниот мировен договор, јави ДПА.
Леон истакна дека на преговорите што се одржуваат во мароканскиот град Схират, останува либиските фракции да утврдат уште само некои детали во договорот, по што по празникот Курбан Бајрам ќе започнат преговори за формирање на влада на национално единство.
– Ја завршивме работата и ја имаме конечната верзија на текстот, со што завршува нашето учество во мировниот процес. Сега сите учесници треба да работат на спроведување на договорот, додаде Леон.