Владите во некои земји користат технологии за прислушување и со тоа ги кршат основните човекови права, како што се приватноста и слободата на говорот, смета експертот за човекови права при Обединетите нации, Франк Ла Руе.
Тој истакна дека сите прислушувања на телефони од срана на владите во целиот свет треба детално да се разгледаат.
Ла Руе, говорејќи во Советот за човекови права на ОН во Женева на темата слободата на изразувањето изјави дека владините претставници во некои земји користат технологии за прислушување и оти со тоа ги кршат темелните човекови права, како што се приватноста и слободата на говорот.
Според него следењето на комуникациите може да биде оправдано само во исклучителни ситуации, како што се националната безбедност или превенцијата на криминалот, како и дека законските прописи за прашањето за прислушување на телефоните, во многу земји се недоволни или воопшто ги нема.