ОН: Отфрлена руско-кинеската нацрт резолуција за Сирија

Од:

Повеќето членки на Советот за безбедност на ОН ја отфрлија руско-кинеската нацрт резолуција за решавање на ситуацијата во сириската провинција Идлиб.

Вкупно девет земји гласаа против документот што го предложија Русија и Кина, а воздржани биле Брегот на Слоновата Коска, Екваторијална Гвинеја, Јужна Африка и Индонезија.

Со нацрт резолуцијата се повикуваат ОН да го поддржат примирјето од 31 август во Идлиб и се нагласува дека прекинот на огнот не може да опфати операции против преостанатите терористички групи кои се активни во Сирија.

Претходно, Русија и Кина гласаа против резолуцијата на Белгија, Германија и Кувајт за прекин на огнот во Идлиб. „За“ резолуцијата гласаа 12 земји членки Советот за безбедност на Обединети нации.

Според нацрт резолуцијата на Белгија, Германија и Кувајт, сите страни се повикуваат на прекин на огнот на 21 септември на пладне по сириско време. Со документот се бараше и почитување на меѓународното хуманитарно право и обезбедување на хуманитарен пристап.

Би можело да ве интересира

Сириската армија се разместува долж границата со Турција

Москва: Курдите да го почитуваат договорот за повлекување

Курдските борци ја напуштија „безбедносната зона“

Татјана Ташкова

Ердоган: Терористите на ЈПГ и нивните оружја ќе бидат отстранети надвор од зоната за деескалација

Путин: Ердоган ги објасни целите на операцијата во Сирија, Турција го продолжи прекинот на огнот

Се проверуваат обвинувањата на Курдите за употреба на хемиско оружје во Сирија