Советот за безбедност на ОН синоќа го стави нигериското движење Боко Харам на „црната листа“ на Светската организација, соопштија дипломатски извори.
Оваа одлука во пракса значи дека против исламистичката група ќе се применуваат санкции што вклучуваат замрзнување на имотот, забрана за патувања и забрана за продажба на оружје.
Нигерија досега беше воздржана во барањето помош од меѓународната заедница во борбата против Боко Харам.
Исламистичката група во април грабна повеќе од 200 ученички во слабо населеното подрачје долж границата со Камерун, Нигер и Чад. Нивната моментана локација и натаму е непозната.
Припадниците на Боко Харам се одговорни за серија вооружени и бомбашки напади во Нигерија и соседните земји.