ОН го поздрави договорот меѓу Израел и ОАЕ, Иран го оквалификува како срамен

Од:

Генералниот секретар на ОН Антонио Гутереш денеска го поздрави договорот за нормализирање на односите меѓу Израел и Обединетите Арапски Емирати, додека Иран го оквалификува како „срамен“.

Гутереш поздравува „секоја иницијатива што може да придонесе за унапредување на мирот и безбедноста на Блискиот исток“, изјави портпаролот на ООН откако Израел и Обединетите Арапски Емирати објавија дека постигнале договор.

Историскиот договор ќе овозможи целосна нормализација на дипломатските односи меѓу двете земји, а тој беше постигнат со посредство на Соединетите американски држави и претседателот Доналд Трамп.

Иранската новинска агенција Тасним, блиска до Револуционерната гарда, оцени дека договорот меѓу Израел и ОАЕ за нормализација на односите е „срамен“:

Иранските верски водачи сè уште не се изјаснија за договорот.

Палестинското исламистичко движење Хамас, кое управува со Појасот Газа, оцени дека нормализацијата на односите меѓу Израел и Обединетите Арапски Емирати „не помага на палестинската борба“ и дека тоа е „бланко чек“ за продолжување на израелската „окупација“.

– Го отфрламе и осудуваме договорот. Тој не помага на палестинската борба и ние го сметаме за продолжение на негирањето на правата на палестинскиот народ, рече портпаролот на Хамас, Хазем Касим.

Би можело да ве интересира

Израел воведува тринеделен карантин

Ана Ололовска

Трамп планира извршна наредба за казнување трговија со оружје со Иран

Ана Ололовска

Поради Ковид-19 се затвора џамијата Ал-Акса

Ана Ололовска

Помпео најави обраќање на САД до ОН во следната недела за санкции кон Иран

Ана Ололовска

Иран ја тужи Америка пред Меѓународниот суд на правдата: Санкциите на Трамп уништуваат милиони животи

А1он

Рохани: Бахреин и Емиратите ќе бидат единствените одговорни за последиците од договорот со Израел

Ана Ололовска