Советот за безбедност при ОН остро го осуди вчерашниот ракетен напад на автобус на исток на Украина, во кој загинаа единаесет, а се повредени 20 цивили. Во едногласно соопштение на 15 членки на СБ при ОН, меѓу кои и Русија, Советот повика на спроведување истрага со цел одговорните за тој напад да бидат изведени пред лицето на правдата, пренесе „Франс прес“.
-Советот најостро го осудува убиството на 11 цивили кое што е последица на ракетен напад на патнички автобус во градот Волновах во Доњецката област -се наведува во соопштението.
Портпаролот на локалните власти изјави дека автобусот превезувал цивили од пристаништето Маријупољ и дека во момент на нападот поминувале преку воена контролна точка.
Е. Г.