Канцеларот на Германија во заминување – Олаф Шолц со свој коментар по објавувањето на првите резултати од парламентарните избори во Германија.
Тој рече дека ова е „горчлив резултат“, признавајќи ги размерите на поразот.
„Ова е горчлив изборен резултат за Социјалдемократската партија, а во исто време и изборен пораз. Мислам дека можеме да бидеме горди на фактот што толку блиску соработувавме во тешки времиња“, рече Шолц.
Шолц им се заблагодари на сопартијците за вклученоста во кампањата, но и честиташе на ЦДУ/ЦСУ, а особено на Фридрих Мерц, признавајќи дека нивна задача е да ја формираат идната влада.
