Околу 120.000 домаќинства во Париз ноќеска кратко време останаа без струја

Од:

Околу 120.000 домаќинства во Париз останаа без струја поради дефект на електричен трансформатор на електродистрибутерот Енедис, соопшти Одделот за пренос на електрична енергија (РТЕ).

„Синоќа околу 22:15 часот снема струја во третиот, четвртиот и петтиот арондисман на Париз. Дефектот е отстранет околу 23:00 часот и дистрибуцијата на електрична енергија продолжи нормално“, напиша канцеларијата за односи со јавноста на РТЕ во објава на Твитер, пренесуваат британските медиуми.

Портпаролката на компанијата Енедис изјави дека дефект на трансформаторот предизвикал прекин во преносот на електрична енергија.

Таа додаде дека дефектот не е поврзан со најавената „вежба за намалување на оптоварувањето со електрична енергија“ што денеска ќе ја спроведат „Енедис“ и „РТЕ“ за да се подготват за можни контролирани прекини на струја поради недостиг на пазарот.

Француските министри претходно предупредија на можни прекини на електричната енергија, доколку дојде до недостиг на електрична енергија на пазарот, кој, како што рекоа, нема да трае подолго од два часа и ќе биде однапред објавен.

Извор: МИА

Би можело да ве интересира

ВИДЕО: Невреме во Франција остави 75.000 луѓе без струја

А1он

Најмалку шест лица повредени во нападот на железничката станица во Париз

Горан Наумовски

Климатски активисти во Париз ја испрскаа со спреј портата на кабинетот на премиерот

А1он

Покрената истрага против осомничениот за убиството на тројца Курди во Париз

А1он

(ВИДЕО) Париз како воена зона: Курдите излегоа на улица

Катерина Павлова-Николовска

Француските Курди протестираат во Париз по нападот врз тројца сонародници