Седумдесет и девет земји, очекуваат денеска објавување на резултатите од PISA, тестирање на ОЕЦД за знаење и вештини на ученици.
Организацијата за економска соработка и развој (ОЕЦД) ја започна меѓународната програма за тестирање на знаење и вештини на ученици од 2000 година, попознат како PISA, за да ги процени знаењата на учениците за наука, математика и писменост.
Во последното испитувањ, азиските земји, предводени од Сингапур, беа најдобри.
Испитувањето стана неопходен барометар за владите кои се повикуваат на него за да ги оправдаат своите избори кога станува збор за образовните политики.
И покрај некои критики, овој огромен тест (вкупно тестирани 600.000 студенти) обезбедува многу лекции.
Во седмата анкета, чии резултати ќе бидат објавени денеска, „писменоста“ е доминантна, како што беше случајот во 2000 и 2009 година. PISA тестира ученици на возраст од 15 години, избрани како репрезентативни примероци.
Се испитуваат три области: читателска писменост, математика и наука. На секој тест, една од овие три области е означена како „доминантна“ и потемелно проверена. Во 2018 година, тоа беше читателска писменост, како во 2009 и 2000 година.
Повеќето прашања, 70 отсто, се однесуваат на таа доминантна тема, а 30 отсто на другите две.
PISA исто така вклучува прашалник за семејната состојба на учениците и социокултурниот статус и нивните перцепции за училиштето. Задачите ги решаваа 600.000 ученици во 79 земји и територии во мај 2018 година, примерок што претставуваше 32 милиони студенти на возраст од 15 години.