Сите мобилни телефони кои ќе се продаваат во Индија од 1 јануари 2017 година ќе мора да имаат копче за аларм, кое на корисникот ќе му овозможи итен повик за помош, соопшти индиската Влада.
Властите донеле ваква одлука поради загриженоста за жените по зголемениот број извршени злосторства врз нив во изминатите години.
– Од јануари следната година мобилните телефони ќе треба да имаат и вграден уред за следење, лоцирање, објави индиското Министерство за комуникација и технологија.
Во соопштението се објаснува дека „со долго притиснување на бројот 5 или 9 на мобилниот телефон се воспоставува итен повик. На смартфоните сигналот дека корисникот е во опасност се испраќа со три кратки притиснувања на копчињата за напојување“.
Индиското Министерство не сакало да открие други детали од овој систем.