Американскиот претседател Барак Обама во телефонскиот разговор со германската канцеларка Ангела Меркел ја пофали нејзината посветеност за решавање на кризата со мигрантите во Европа.
Обама посебно ја истакнал одлуката на Меркел, Германија да прифати голем број сириски бегалци.
Бранот мигранти, кои бараат засолниште од конфликтите или сиромаштијата од Блискиот Исток, Африка и од Азија, ја соочи Европа со најтешката бегалска криза од Втората светска војна.