Поранешниот претседател на САД, Барак Обама, го искритикува сегашното раководство на државата, на чело со Доналд Трамп, поради бавните реакции во однос на мерките за борба против ширењето на коронавирусот и немањето на „национален план“.
Дел од забелешките на Обама, кој досега беше многу тивок во однос на пандемијата, се дека администрацијата не разработила кохерентен „национален план“ за борба со пандемијата.
Како што истакна Обама во својата Твитер порака, сојузните држави се оставени сами на себе да креираат ефективни методи за борба со коронавирусот.
Тој го истакна позитивниот пример со Масачусетс, каде државата презема свои сопствени планови на јавно здравство „додека сеуште има време“ за тоа, за успешно да се справи со пандемијата.