Трајна стабилност во односите меѓу Израел и Палестина нема да се случи во блиска иднина и лидерите на двете страни треба да преземат политички ризик за постигнување мир и просперитет, изјави американскиот претседател Барак Обама.
Сепак, најпрво мора да се одржи привременото примирје во Појасот Газа и тоа да не биде нарушено пред истекот на рокот во петок, изјави Обама.
Обама, повторно нагласи дека Израел има право да се брани од ракетните напади од Газа и тунелите што ги користи Хамас, но и дека Палестинците во Појасот Газа мора да имаат некаква доверба дека ќе можат повторно да ја изградат својата заедница и да остварат просперитет.