Американскиот претседател Барак Обама го предупреди Иран дека нема да има пролонгирање на преговорите за неговата спорна нуклеарна програма по крајниот рок 31 март и оти Техеран треба да донесе политичка одлука.
– Во оваа фаза не гледам смисол од ново продолжување, ако тие не ги прифатат основните параметри и фундаменталната формула, за да може да се склучи сеопфатен договор за нуклеарната програма, истакна Обама на заедничка прес-конференција со германската канцеларка Ангела Меркел.