Американскиот претседател Барак Обама, на престојниот состанок за екстремизам во Вашингтон, сака да организира меѓународна мрежа против тероризмот.
По нападот во Приз и Копенхаген и убиството на 21 египетски Копти во Либија, американската влада од денес до четврток ќе биде домаќин на собирот на експерти за екстремизам.
Како што наведе Белата куќа, Обама ќе предложи да се вложат поголеми напори за блокирање на радикализацијата, регрутирање на млади за џихад и поттикнување на насилство.
-Сакаме да огранизираме голема мрежа за борба против насилниот екстремизам – рече неименувано официјално лице од администрацијата на Обама.
Инаку на собирот ќе присуствуваат и претставници на Европската унија, како и генералниот секретар на ОН, Бан Ки Мун.
Е. Г.