Американскиот претседател Барак Обама го поздрави импресивниот напредок на Мексико и апелираше граѓаните на САД да ги отфрлат стереотипите кои што ги имаат за таа држава.
-Некои Мексиканци може да помислат дека САД не ја почитуваа нивната држава и дека се обидуваат да се вмешаат во нивната внатрешни прашања или дека сакаме да се изолираме-изјави Обама во текот на својота 24-часовна посета во Мексико.
Тој истакна дека кога станува збор за двете држави, ставовите на граѓаните имаат многу стереотипи.
-И покрај силните врски и вредности кои што не поврзуваат, ставовите на граѓаните на двете држави понекогаш се со стереотипи. Некои Американци, Мексико го гледаат низ призмата на сензационалистичките наслови за насилство и за премин на границите – рече Обама во текот на посетата на Антрополошкиот музеј во Мексико Сити.
Тој додаде дека на САД им е јасно дека дрогата е основна причина за насилството во Мексико.
-Признаваме дека најголемата количина на оружје кое се употребува за насилството овде, доаѓа од САД – нагласи претседателот на САД, алудирајќи на војната помеѓу наркокартелите во Мексико.
Американскиот претседател во четврток му одаде признание на својот мексикански колега Енрике Пења Њијети и на неговата храброст во спроведување на реформите во државата.
Елена Георгиевска