Претседателот на САД Барак Обама го предупреди кинескиот министер за надворешни работи Ван И дека внимателно ги следи протестите во Хонгконг, соопшти Белата куќа.
Обама и неговата советничка за национална безбедност Сузан Рајс, на средбата со Ван И во Вашингтон, повикаа за мирно надминуварње на разликите меѓу властите во кинескиот специјален административен регион и продемократските демонстранти.
САД постојано го поддржуваат отворениот систем, кој е од големо значење за стабилноста и просперитетот на Хонгконг, правото на избор и желбите на народот на Хонгконг, се наведува во соопштение на Белата куќа.
Во соопштението се потврдува дека Обама ќе ја посети Кина годинава.
Претседателот на САД ќе биде во посета на Пекинг од 10 до 12 ноември. Кинескиот министер за надворешни работи претходно во Вашингтон изјави дека кризата во Хонгконг е внатрешна работа на Кина.