Илјадници луѓе ги напуштија домовите поради нови борби меѓу армијата и бунтовниците во областа Качин, во северниот дел на Мјанмар.
Според Обединети нации, околу 4.000 лица побегнале поради судирите, а се претпоставува дека голем број луѓе се заробени во зоната на конфликт, која е во близина на границата со Кина.
– Нашата најголема грижа е безбедноста на цивилите, вклучително бремени жени, стари лица, мали деца и лица со инвалидитет. Ние мораме да обезбедиме тие луѓе да бидат заштитени, изјави шефот на канцеларијата на ОН за коориднација на хуманитарните прашања, Марк Катс.
Покрај кризата со Рохинџите во западен Мјанмар, во северниот дел на земјата има судири во кои учествуваат дриуги етнички малцинства.
Качин се бори за поголема автономија. Се проценува дека околу 120.000 луѓе се раселени поради судирите во мјанмарските држави Качин и Шан.