Израелскиот премиер Бенјамин Нетанјаху денеска, на состанокот со рускиот претседател Владимир Путин, изјави дека засилувањето на иранските сили во Сирија претставува закана за Израел, но и за целиот свет.
– Иран чини големи напори да го зацврсти своето присуство во Сирија. Тоа претставува закана за Израел, Блискиот исток и целот свет, нагласи Нетанјаху.
Според него, Иран напредува и кога станува збор за контролата и влијанието во Ирак, Јемен и Либан. Тој го обвини Техеран и за поддршката на терористичките организации, поттикнувајќи го и охрабрувајќи го теророт, пренесува Танјуг.
Израелскиот премиер, исто така, ја искористи приликата и да ја истакне важноста од заедничките напори во борбите против Исламската држава.