Израел ќе се повлече од УНЕСКО кон крајот на следната недела, најави израелскиот премиер Бенјамин Нетанјаху.
Повлекувањето на Израел од организацијата Нетанјаху го најави уште во октомври, по излегувањето на САД поради „антиизраелска пристрасност“.
– Му наложив на Министерството за надворешни работи да се повлечеме од УНЕСКО кон крајот на неделата, изјави Нетанјаху на почетокот на денешната редовна владина седница и додаде дека според него тоа е неопходно „со оглед на пристрасниот и едностран однос на организацијата кон Израел, но како и позадина на цврстата позиција на САД во ОН, која израелските власти ја поздравуваат“.