Според првичните информации, како најверојатна причина за синоќешната железничка несреќа се наведува грешката на еден од машиновозачите односно не почитувањето на светлосната сигнализација.
– Приоритетна верзија е непочитувањето на светлосната сигнализација од машиновозачот на возот кој доаѓал од Пајерн, изјави денеска порпаролот на полицијата во кантонот Во, Жан-Кристоф Сотерел.
Во директниот судар на два воза едно лице загина, а 26 се повредени.
Според полициски извори, при несреќата загинал машиновозачот на еден од возовите, чие безживотно тело е пронајдено во кабината на неговата локомотива.
Несреќата се случи синоќа во 19 часот кога два воза, кои се движеле во спротивни насоки, кон и од Лозана, се судриле дирекно еден во друг.