Чешка засега нема информација дека се приближува бран на бегалци од Србија и Македонија. А ако оваа ситуација се случи, ќе организираме вонредно сместување за 300 луѓе во Јужноморавскио регион.
Ова го изјави чешкиот министер за внатрешни работи по состанокот на безбедносните сили додавајќи дека засега се доволни постојните подобрени контроли за бегалците.
Хованец додаде дека доколку е потребно ќе бидат обезбедени дополнителни капацитети и ќе се создаде повеќе простор за престој на пример во шатори, јави дописникот на МИА.
Според Хованец, не е потребно да бидат зголемени мерките на претпазливост заради најновиот случај на наоѓање на 70 мртви бегалци во напуштен камион на австриската граница со Унгарија. Претседателот на Чешката Влада Бохуслав Соботка пак препорача државите да обрнат внимание на контролата на камионите кои поминуваат низ границата каде има силен притисок од мигрантите.