Голема група од околу 600 мигранти урна бариера од бодликава жица и поминаа покрај војниците на Националната гарда на Тексас. Мигрантите креваат раце давајќи им знак на војниците да не пукаат во нив, а неколку секунди подоцна се пробиваат, туркајќи ги војниците од патот и трчајќи кон граничната капија. „Њујорк пост“, кој имаше новинар на лице место, објави дека инцидентот се случил на граничен премин во Ел Пасо, Тексас.
This is the moment when TX National Guard became overrun by migrants rioting to get across the border here in El Paso today
We were there and saw it all happen. Absolute chaos here. pic.twitter.com/VN6Kf663ie
— Jennie Taer (@JennieSTaer) March 21, 2024
Националната гарда на Тексас е распоредена како дел од „Операцијата осамена ѕвезда“ на гувернерот Грег Абот вредна 12 милијарди долари за да се запре протокот на мигранти кои илегално преминуваат во државата. Администрацијата на Бајден поднесе тужби против Тексас, оспорувајќи го авторитетот на државата. Федералната влада обично има јурисдикција над граничната безбедност, но Абот се повика на уставното право на државата на самоодбрана, тврдејќи дека прекршувањето на должноста на Бајден предизвикало „инвазија“ на мигранти. Претходно оваа недела, федералниот суд кој расправаше за еден од правните предизвици на Вашингтон привремено го запре спроведувањето на новиот закон во Тексас кој ќе им овозможи на државните власти да апсат и депортираат илегални имигранти.
Абот вели дека сегашниот претседател Бајден, како што наведе, „едноставно не го почитува законот на Соединетите Американски Држави“.
„Пред само неколку недели, тој рече дека му треба Конгресот да донесе некаква легислатива за обезбедување на границата. Или едноставно лажеше, или немаше поим за што зборува, или се од горенаведеното“, изјави републиканскиот гувернер на Тексас.
Федералниот апелационен суд во Њу Орлеанс го блокираше законот за имиграција на Абот, само неколку часа откако Врховниот суд на САД соопшти дека законот може да стапи на сила додека трае судскиот процес.