Бројот на загинати меѓу авганистанските војници е на рекордно ниво откако армијата на Авганистан презеде водечка улога во борбата против талибанците, изјави денеска генералниот секретар на НАТО, Јенс Столтенберг.
Според најновите податоци, бројот на загинати авганистански полицајци и војници од почетокот на годинава е поголем отколку во цела 2013 година.
Од почетокот на годината досега во борбите загинале 4.634 војници, додека таа бројка во 2013 година била 4.350.
Столтенберг моментно се наоѓа во посета на Авганистан, прва откако на 1 октомври ја презеде функцијата генерален секретар на НАТО.