Личниот профил на Твитер на индискиот премиер Нарендра Моди бил „накратко компромитиран“, соопшти денеска кабинетот на премиерот.
Британските медиуми пренесуваат дека инцидентот брзо ескалирал, но личниот налог на премиерот бил веднаш обезбеден, се наведува во соопштението од кабинетот на премиерот Моди.
Засега не се знае колку долго налогот на Моди бил компромитиран, а на кој тој има повеќе од 73 милиони следбеници.
Компанијата Твитер ги презела неопходните чекори за да го обезбеди компромитираниот налог веднаш штом дознала за неовластената активност, потврди портпаролот на Твитер во електронска порака до британските медиуми, додавајќи дека истрагата во моментот не открила напади и взр други налози.