Двајца професори денеска се ранети со нож, едниот потешко, а другиот полесно, а инцидентот се случил во зградата на универзитетот во Осло, соопшти норвешката полиција. Уапсен е студентот осомничен за нападот.
Околностите и причините за нападот се уште се нејасни, јавуваат норвешките медиуми.
„По добиената дојава за можен напад со ладно оружје, полицијата интервенираше и го уапси напаѓачот“, изјави на прес-конференција полицискиот претставник Кристијан Бјорберг.
„Веројатно се работи за професорите и нивните студенти“, додаде таа.
На местото на настанот се запленети два ножа. Претставник на итна медицинска помош изјави дека една жртва била примена во болница во критична состојба, додека другата се здобила со полесни повреди.
Инцидентот се случи во зградата на Институтот за труд, кој е дел од Универзитетот во Осло.