„Ако дојде до воен судир помеѓу Израел и Иран, ништо повеќе нема да биде предвидливо и тоа би било почеток на Трета светска војна“, порача бригадниот генерал Амир Али Хаџизадех, за иранската ТВ мрежа „Ал Алам“.
Иран би можел да изведе превентивен напад, ако Израел започне да се подготвува за напад на таа земја, предупреди командантот на елитната иранска војска Чувари на револуцијата.
Хаџизадех додаде дека секој евентуален напад од Израел врз Иран, ќе се смета дека е со благослов на САД.
„Затоа ние дефинитивно ќе одговориме со напад врз американските бази во Бахреин, Катар и Авганистан“.
Тој предупреди дека Израел не може ни да си замисли каков ќе биде нивниот одговор и дека ќе претрпи голема штета, а тоа ќе биде вовед во негово тотално уништување.