Израелската авијација во понеделникот изврши моќен напад врз зграда во јужните предградија на либанската престолнина Бејрут, изјави очевидец за Ројтерс.
Тоа е прво силно бомбардирање на Либан по прекинот на огнот во ноември кој стави крај на војната меѓу Израел и Хезболах, соопшти агенцијата.
Нападот, кој одекна низ Бејрут, уследи по наредба на израелската војска за евакуација на областа и три помали напади со беспилотни летала врз зградата кои беа извршени како предупредување, изјавија безбедносни извори за Ројтерс.