Германски астронаут ја фотографираше најголемата израелска офанзива во Газа од меѓународната вселенска станица.
Тој фотографијата ја нарече како „најтажната фотографија досега“. Александар Герст, германски инженер и геофизичар фотографијата ја направи во моментот додека меѓународната вселенска станица се наоѓаше над палестинската територија.
-Од меѓународната вселенска станица може да се видат експлозии на ракети над Газа од Израел, напиша тој на неговата фејсбук страна доцна синоќа.
Астронаутот е на 57 ден од неговата мисија заедно со рускиот командант Максим Сурајев и американскиот инженер Рид Вајсман.
Најновата офанзива на Израел досега одзеде над 700 жртви, а според извештајот на Обединетите нации 80 проценти од нив се цивили.