Најмалку педесетина жртви низ САД во зимскaтa бурa што ја погодија земјата

Од:

Најмалку педесетина лица во 14 држави починаа од последиците на силната зимска бура што зафати голем дел од централните и источните Соединети Американски Држави, носејќи снег, мраз и температури под нулата, соопштија локалните власти.

Десет од жртвите на бурата се во Њујорк, каде што температурите беа најниски во последните осум години, изјави градоначалникот Зохран Мамдани на прес-конференција, објави Ројтерс. Мамдани рече дека околу 500 од повеќе од 4.000 бездомници за кои се проценува дека живеат на улиците и метрото во градот биле сместени во засолништа од 19 јануари.

Низ Соединети Американски Држави, причините за смрт поврзани со бурата се движеа од хипотермија до срцеви удари при чистење снег.

Во Бонам, Тексас, во близина на Далас, три момчиња починаа откако паднаа во ледено езеро, соопшти локалната противпожарна служба.

Во Остин, исто така во Тексас, едно лице почина од хипотермија додека се обидуваше да се засолни на напуштена бензинска пумпа, соопштија властите.

Други смртни случаи од хипотермија се пријавени во Канзас, Кентаки, Луизијана, Мисисипи, Јужна Каролина, Тенеси и Мичиген, објавија локалните медиуми.

Речиси 200 милиони Американци остануваат под некаков вид предупредување за смрзнување барем до 1 февруари, а метеоролозите следат уште една можна зимска бура што би можела да го погоди источниот дел на САД овој викенд.

Би можело да ве интересира

ВИДЕО: Американците објавија нови снимки од НЛО, забележани над Блискиот Исток

Се запали моторот на авион со 120 патници – следеше принудно слетување

А1он

Зеленски: Постои огромна шанса за мир доколку САД навистина извршат притисок врз Путин

Американската воена операција против Иран достигна цена од над 44 милијарди евра

Руски државјанин e обвинет за шпионирање на вработени во американска воена компанија

Трамп: САД и Кина сакаат Ормутскиот теснец да остане отворен