Најмалку еден загинат и 21 студент повреден за време на нападот на Американскиот Универзитет во Кабул, пренесува Си Ен Ен.
Напаѓачите детонирале експлозиви и пукале со оружје кога влегле во кампусот, велат сведоците. Некои се скриле во зградата, додека пак другите останале во кампусот, велат од полицијата.
Полицијата се уште трага по напаѓачите.
– Беше многу темно и сите трчаа. Наеднаш почнаа да викаат, тоа беше најстрашниот момент во мојот живот. Само мислев на своите деца кои се во САД, вели за Си Ен Ен Самин, вработен во Универзитетот.
Кога го видел црниот чад, тој почнал да бега заедно со студентите и останатите вработени.
Нападот се уште не е разјаснет, а полицијата најавува повеќе детали за подоцна.