Најмалку десет лица погинаа во падот на патничкиот авион Ан-28, на рускиот полуостров Камчатка.
Иако во првите извештаи на руските медиуми пишуваше дека погинало и дете, таа информација, се уште не е потврдена официјално.
Во авионот имаше две деца, едно од 13 години кое сега е во кома и 4-годишно девојче чија состојба не е позната.
Авионот леташе од Петропавловск до Палана. Во него имаше 12 патници и двајца членови на екипажот.
Се истражува причината за несреќата.
За во четврток е прогласен ден на жалост, а според медиумите семејствата ќе добијат по 7 илјади долари отштета.