Најмалку 33 загинати во свлечиште во северозападна Колумбија

Од:

Најмалку 33 лица загинаа, а девет лица се спасени откако пред два дена свлечиште затрупа автобус во северозападна Колумбија, изјави вчера министерот за внатрешни работи на оваа латоноамериканска земја АЉлфонсо Прада.

Како што пренесуваат западните медиуми, несреќата се случила меѓу Пуебла Рико и Санта Сесилија, во провинцијата Рисаралди, на околу 230 километри северозападно од главниот град Богота.

-Веќе пронајдовме 33 мртви лица, меѓу кои и три малолетни, а спасивме девет лица, од кои четворица се во критична состојба, изјави министерот Прада.

За колумбискиот претседател Густаво Петро настанот е трагедија. Петседателот на Твитер напиша „солидарност со семејствата на жртвите“ и вети поддршка од националната влада.

Градоначалникот на Пуебло Рико, Леонардо Фабио Сијагама, изјави дека телата на загинатите биле однесени на покриениот стадион во градот.

Автобусот патувал од Кали, третиот по големина град во Колумбија, до општина Кондото во провинцијата Чоко.

Колумбија е погодена од невообичаено силна сезона на дождови, за што е виновен временскиот феномен Ла Ниња.

Во повеќе различни временски неприлики предизвикани од обилните дождови само годинава настрадаа повеќе од 216 лица, а 538.000 лица останале без покрив над главата, се наведува во владините статистики.

Извор: МИА

Би можело да ве интересира

Платил 175 илјади долари за да порасне 10 сантиметри: Може да дојде до тоа да не можам да се справам со болката

А1он

ВИДЕО: Гром уби млада мајка на плажа во Колумбија, снимен моментот на ударот

ВИДЕО: Спасени родителите на Дијаз, киднаперите убиени

Киднапирани родителите на ѕвезда на Ливерпул во Колумбија

Катерина Ѓуровски

Претседател на колумбиски второлигаш e убиен по поразот на неговиот клуб

Горан Наумовски

(ВИДЕО) Силен земјотрес во емисија во живо: Јако се затресе