Најмалку 27 лица загинаа изутринава во судири во близина на префектурата Турфан, во претежно муслиманскиот Синџијанг-Ујгурски автономен регион, во Северозападна Кина, јави Синхуа.
Според очевидци откако во судирите загинале 17 лица, меѓу кои 9 полицајци и 8 цивили, полицијата интервенирала и отворила оган убивајќи десетмина напаѓачи.
Нападот се случил изутринава кога група напаѓачи, вооружени со ножеви, ја нападнале полициската станица и зградата на локалните власти во градот Лукун, на околу 200 километри од регионалниот главен град, Урумчи.
Етничките тензии меѓу муслиманските Ујгури и кинеските Хан заедници во регионот Синџијанг често резултираат со случаи на крваво насилство.