Најмалку 14 загинати и 31 повредено лице во судир на автобус и камион во Индија

Од:

Најмалку 14 лица загинаа и неколку десетици се повредени кога автобус што брзо возел удрил во паркиран камион крај пат во северна Индија, соопшти денеска полицијата, јави ДПА.

Полицискиот офицер Ирај Раџа изјави дека судирот се случил вчера на автопат во областа Фирозапад, во државата Утар Прадеш

Камионот со контејнер бил распаречен, додека крај патот бил поправан и одзади бил удрен од автобусот полн со патници

-Засега загинаа 14 лица, од кои 13 патници и возачот на камионот, кој во моментот на несреќата ја надгледувал поправката на дефектот, изјави Раџа.

Првичните извештаи наведуваат, пренесува ДПА, дека возачот на автобусот изгубил контрола врз автобусот, што резултирало со несреќата.

Вкупно 31 патник е повреден и однесен во болница, а состојбата на четворица од нив е оценета како сериозна.

Индија има најголем број жртви на сообраќајки во светот, во кои како причини најчесто се наведуваат слабо одржуваните патишта и возила, како и несовесното возење.

Во 2018 година, додава ДПА, во Индија во сообраќајни несреќи загинале речиси 149.000 лица, покажуваат податоците на владата.

Би можело да ве интересира

Моди ги провика Индијците в недела со свеќи и светла од мобилните да го протераат мракот од коронавирусот

Ана Ололовска

ВИДЕО: Индискиот премиер Моди од карантин објавува видеа со вежби за јога

Ана Ололовска

Индија одвои 22,6 милијарди долари за помош на погодените граѓани од коронавирусот

А1он

Поради новите мерки во Индија граѓаните ги испразниле продавниците

Ана Ололовска

Индискиот премиер прогласи 21-дневна национална изолација со цел борба против коронавирусот

А1он

Прекршителите на самоизолацијата во Индија ќе носат транспарент за казна

А1он