На Тајланд направен робот што од шише на Астра Зенека може да извлече 12 дози вакцини

Од:

Тајландски научници развија машина за поефикасно извлекување на дозите од вакцината против „Ковид-19“, а истовремено и оптимизирање на користењето на залихите, објави Универзитетот Чулалонгкорн.

Користејќи роботска рака, системот AutoVacc може да извлече 12 дози вакцина од шишенцето за четири минути, што е за 20 проценти повеќе од стандардните 10 дози добиени рачно.

Машината во моментов работи само со шишенцата на „Астра Зенека“, на кои пишува дека содржат од 10 до 11 дози.

– Дополнителни 20 проценти значи дека ако имаме „Астра Зенека“ за милион луѓе, оваа машина може да го зголеми бројот на дози за 1,2 милиони, рече Јутамас Ратанварапорн, главен научник во Универзитетскиот центар за биомедицинско инженерство.

Таа додаде дека некои здравствени работници кои користат шприцеви со мал волумен (ЛДСС) можат рачно да извлечат до 12 дози од шише, но ова бара повеќе работна сила и високо ниво на вештина.

Тајланд генерално добро ја контролира пандемијата на „Ковид-19“, но Делта сојот го зголеми бројот на новозаразени и смртни случаи од април, зголемувајќи го притисокот од властите за забрзување на вакцинацијата.

Би можело да ве интересира

Австралија ја укинува забраната за патување во странство на своите граѓани

Ана Ололовска

Американскиот регулатор ја одобри вакцината Фајзер за деца постари од пет години

Ана Ололовска

Бионтек ќе гради фабрика за вакцини во Африка

А1он

Модерна ќе и достави на Африканската унија 110 милиони дози вакцини против Ковид-19

А1он

Петгодишно дете најмлада жртва од Ковид-19 во Албанија

Ана Ололовска

Во Бугарија рекорден број заразени и починати од коронавирус

Ана Ололовска