Долгогодишниот претседател на Зимбабве, Роберт Мугабе пред повеќе илјади симпатизери на стадионот во Харареу положи заклетва за нов петгодишен претседателски мандат.
Осумдесет и деветгодишниот Мугабе кој што е шеф на државата веќе 33 години, при заклетвата вети дека ќе го почитува и брани Уставот на Зимбабве.
На претседателските избори, кои што се одржаа на 31-ви јули, Мугабе освои 61 процент од гласовите, а неговиот главен противкандидат, премиерот Морган Чвангирај 34 проценти.
Чвангирај веднаш приложи жалба на изборните резултати, тврдејќи дека гласањето е наместено.
Уставниот суд на Зимбабве пред два дена пресуди дека спорните резултатите, на кои што Мугабе освои уште еден петгодишен мандан, се слободни и фер, отфрлувајќи ги обвиненијата за нерегуларности.
Елена Георгиевска