Иран и светските сили веројатно денеска ќе се договорат за условите за продолжување на крајниот рок за постигнување договор за иранската нуклеарна програма, кој истекува в недела, изјави во Виена шефот на кинескиот преговарачки тим, Ванг Кун.
Тој истакна дека е „охрабрен“ од напредокот на преговорите за спорната иранска нуклеарна програма во последните месеци, но се уште има прашања за кои преговарачките страни имаат различни позиции и на кои треба да обрнат внимание.
Целта на преговорите е засекогаш да исчезнат стравувањата на Западот дека Иран би можел да произведе нуклеарно оружје.