Заклетва за премиер на Полска денеска положи Матеуш Моравјецки, наследувајќи ја Беата Шилдо, која што во новата влада е именувана за заменик-премиерка одговорна за социјална политика.
Со тоа практично Моравјецки и Шилдо си ги заменија функциите.
Шилдо поднесе оставка од фунцијата минатата недела под притисок на владејачката конзервативна партија Право и Правда (ПИС), која се обидува да го подобри имиџот на Полска во странство и да се подготви за престојните избори.
Моравјецки претходно беше вицепремиер и министер за финансии, а тој треба да ја претставува земјата во спорот со ЕУ во врска со обвинувањата дека со измената на законите за судскиот систем, Варшава ги поткопува демократијата и владеењето на правото.
Програмата на новата влада ќе биде претсавена утре пред Долниот дом на Парламентот, каде што треба да се гласа довербата.