Монсунски дождови во Индија, најмалку 125 загинати

Од:

Спасувачките екипи во Индија се обидуваат да стигнат до десетици куќи уништени во поплавите предизвикани од монсунски дождови, кои предизвикаа лизгање на земјиштето и поплави, во кои загинаа 125 лица.

Државата Махараштра е најтешко погодена од најновото невреме. Ова се најобилните дождови во јули во последните неколку децении, велат научниците.

Тие траеја неколку дена и погодија стотици илјади луѓе, додека постои опасност големите реки да се излеат од нивните корита.

Во Талије, на околу 180 километри југоисточно од финансискиот центар Мумбај, бројот на загинати се искачи на 42, а уште четири тела беа најдени откако повеќето куќи во селото исчезнаа при лизгање на земјиштето, изјави висок владин претставник на Махараштра.

Тој рече дека се заробени уште околу 40 луѓе. Според него, „шансата да се спасат живи е мала, бидејќи се наоѓаат во калта повеќе од 36 часа “.

„Околу 90.000 луѓе се спасени од поплавените подрачја“, се вели во соопштението на владата на Махараштра.

Илјадници камиони беа заробени повеќе од 24 часа на автопатот што го поврзува Мумбај со јужниот технолошки центар Бангалор, а на некои места патиштата беа поплавени.

Премиерот Наренда Моди рече дека е очаен поради настраданите.

„Ситуацијата во Махараштра поради обилните дождови внимателно се следи и укажана им е помош на погодените“, напиша Моди на Твитер.

Би можело да ве интересира

ВИДЕО: Обвинет за убиство во Индија, во судница погубен од напаѓачи маскирани како адвокати

Истражување: Околу 40 отсто Индијци живеат девет години помалку поради загадување на воздухот

Ана Ололовска

Индија го затвори и последниот конзулат во Авганистан и ги евакуираше своите граѓани

А1он

Во несреќа на автопат во Индија прегазени 18 работници

Ана Ололовска

Пандемијата ги стави Индијците во огромни долгови за лекување

Ана Ололовска

Во текот на монсунските дождови во Индија починаа повеќе од 160 лица, неколку десетици заробени под свлечишта