Одбраната и воените мисии на ЕУ нема да се соочат со многу големи проблеми поради Брегзит, изјави високата претставничка на ЕУ за надворешна политика и безбедност Федерика Могерини.
Таа на средба на министрите за надворешни работи од НАТО, истакна дека британскиот придонес изнесува три отсто од граѓанскиот капацитет на ЕУ и пет отсто од воените операции.
– Тоа е вреден придонес, но сигурно и без него дејностите на ЕУ во областа на одбраната и безбедноста можат да продолжат да работат одлично. Тоа не е дел, кој останатите земји членки не можат да го надополнат откако Британците ќе ја напуштат ЕУ, нагласи Могерини.
Шефицата на европската дипломатија изрази надеж дека „може да се изгради добра и стабилна соработка во областа на одбраната и безбедноста и по Брегзит“.