Индискиот премиер Нарендра Моди се закани дека ќе се заложи за меѓународна изолација на Пакистан, обвинувајќи го дека се обидува да ја дестабилизира Азија преку ширење на тероризмот.
Тој истакна дека во последните четири месеци индиските безбедносни сили убиле 110 терористи, кои влегле преку пакистанска територија во индискиот дел на Кашмир.
Според него, терористичките напади во Бангладеш и Авганистан се, исто така, поттикнати од Пакистан.
Моди го предупреди Пакистан дека „ќе го изолира и ќе работи на тоа“, што е прва изјава на индискиот премиер по минатонеделниот напад врз воена база во индискиот дел на Кашмир, во кој загинаа 18 војници. Се тврди дека напаѓачите биле борци на екстремистичката група „Џаиш-е-Мохамед“, со седиште во Пакистан.
Исламабад ги отфрла ваквите обвиненија на Њу Делхи.