Стотици муслимани се собраа во Сиднеј на протест против негативното претставување на исламот во медиумите и против карикатурите на пророкот Мохамед во францускиот сатиричен весник „Шарли ебдо“.
Околу 800 демонстрнати излегоа на улиците на Сиднеј со транспаренти на француски „Јас сум муслиман“.
Слоганот е одговор на последниот број на „Шарли ебдо“, на чија насловна страница беше прикажан пророкот Мухамед со натпис „Јас сум Шарли“. Тоа е првиот број на сатиричниот весник по нападот на 7 јануари во Париз во кој загинаа 12 лица.