Министрите за одбрана на САД Ештон Картер и на Франција Жан-Ив ле Дриан се договорија за конкретни мерки за поинтензивна воена соработка против групата „Исламска држава”, соопшти Пентагон.
Двајцата министри разговарале по телефон, втор пат по нападите во Париз, прецизира Пентагон.
“Тие се согласија за конкретни мерки кои треба да ги преземат вооружените сили на САД и Франција, заради интензивирање на нашата тесна соработка во кампањата против ИД”, изјави портпаролот на Пентагон Питер Кук.
Во разговорот Картер потврдил дека САД се посветени да ја поддржат Франција и двете страни заедно да напредуваат кон нанесување на траен пораз на ИД.