Во услови на украинската криза и влошувањето на односите меѓу Западот и Русија потребно е да се искористи секоја можност за дијалог со Москва, изјави германскиот канцелар Ангела Меркел на самитот на Групата 20 најбогати држави во светот, кој се одржа во австралискиот град Бризбејн.
– Важно е да се забележи и искористи секоја можност, нагласи Меркел.
Таа вчера во Бризбејн се сретна со рускиот претседател Владимир Путин и претседателот на Европската комисија Жан Клод Јункер
– Тие разговори беа доверливи, изјави таа.
Портпаролот на Путин, Дмитриј Песков истакна дека на средбата акцент бил ставен на ситуацијата во југоисточна Украина.
– Претседателот Путин детално го изнесе рускиот став за таа ситуација, рече Песков.