Американскиот секретар за одбрана Џејмс Матис и генералниот секретар на НАТО Јенс Столтенберг денеска допатуваа во ненајавена посета на Кабул.
Матис и Столтенберг ќе се сретнат со авганистанскиот претседател Ашраф Гани и со други авганистански претставници со кои ќе разговараат за мисијата за „обука и помош“ за авганистанската армија.
– Разговорите ќе бидат насочени кон партнерството на НАТО и Авганистан, вклучително и мисијата Одлучна поддршка, која подразбира пружање поддршка за авганистанските одбранбени и безбедносни сили, се наведува во соопштението објавено на Фејсбук страницата на Мисијата.
Пред неколку недели американскиот претседател Доналд Трамп вети дека ќе испрати дополнителни 3.000 војници во Авганистан, каде веќе се распоредени 11.000 војници кои ги обучуваат и советуваат авганистанските безбедносни сили.