Малезиските власти денеска соопштија дека ќе издадат потерница по севернокорејскиот дипломат Хбон Куан-сон, ако тој не прифати да се појави на распит во врска со убиството на Ким Џонг-нам, полубратот на севернокорејскиот лидер Ким Џонг-ун.
– На дипломатот ќе му биде даден „разумен“ рок да се појави доброволно во полицијата, пред таа да преземе натамошни дејствија и да го принуди да соработува со малезиската власти, изјави Абдул Самах Мат, началникот на полицијата во државата Селангор.
– Ако тој одбие да соработува во истрагата и не се јави на повикот, ние ќе го преземем следниот чекор и ќе добиеме од Судот наредба за апсење, посочи Мат.
Во средата малезиските власти соопштија дека сакаат да го сослушаат Хбон Куан-сон (44) – вториот секретар во Амбасадата на Северна Кореја во Куала Мумпур, во врска со убиството на полубратот на севернокорејскиот лидер Ким Џонг-ун, кој беше отруен на 13 февруари со нервните агенси „Ви Екс“, што се класифицирани од ОН како оружје за масовно уништување.
Се трага по осум Севернокорејци во врска со ова дело, вклучувајќи го и дипломатот.
Еден од нив е уапсен од страна на полицијата во Малезија, четворица успеале да избегаат во Северна Кореја, а други двајца се се уште во Малезија.